മന്മോഹന് സിംഗ് സര്ക്കാരാണ് എല് ഐ സിയുടെ ഓഹരി വില്പ്പന നടത്താനുള്ള നീക്കങ്ങള് ആദ്യമായി നടത്തിയത് എങ്കിലും ഒന്നാം യു പി എ മന്ത്രിസഭയിലെ ഇടതുപക്ഷ സാന്നിധ്യം അതിനു തടസ്സമായി. പിന്നീടും ഈ കാര്യത്തില് വിട്ടുവീഴ്ചയില്ലാതെ മുന്നോട്ടുപോയ പിന്നീട് വന്ന കേന്ദ്ര സര്ക്കാരുകളുടെ പ്രവര്ത്തന ഫലമായാണ് 49 ശതമാനം വിദേശ മൂലധനമാകാം എന്ന നിലയിലേക്ക് കാര്യങ്ങളെ കൊണ്ട് ചെന്നെത്തിച്ചത്. ഇതിപ്പോള് അതിന്റെ പ്രവര്ത്തന പന്താവിലേക്ക് അതിശക്തമായി നീങ്ങുന്നു
താരതമ്യേന ഹ്രസ്വമായ ബജറ്റവതരണമാണ് ധനമന്ത്രി നിര്മ്മലാ സീതാരാമന് നടത്തിയത്. എല് ഐ സി സ്വകാര്യവത്ക്കരിക്കാനുള്ള ശ്രമങ്ങള്ക്ക് ഈ സഭാകാലയളവില് നടപടികള് ഉണ്ടാകുമെന്ന് പ്രഖ്യാപിച്ച ധനമന്ത്രി കൊവിഡിനെതിരായ പോരാട്ടം ശക്തമാക്കുമെന്ന് പ്രഖ്യാപിച്ചു.
ധനമന്ത്രി നിര്മ്മലാ സീതാരാമന് അവതരിപ്പിച്ച ബജറ്റില് രാജ്യത്തിന്റെ സമ്പദ് വ്യവസ്ഥയുടെ നിലവിലെ അവസ്ഥയും പ്രതീക്ഷയും പങ്കുവെച്ചു. ജി ഡി പി യുടെ 9.5 ശതമാനമാണ് 2020-21 സാമ്പത്തിക വര്ഷത്തിലെ രാജ്യത്തിന്റെ ധനകമ്മി.
കഴിഞ്ഞ ആഴ്ചയില് തുടര്ച്ചയായുണ്ടായ പിന്നോട്ടു പോക്കിനിടെ ബജറ്റ് അവതരണത്തിനു തൊട്ടുമുന്പ് ഓഹരി വിപണിയില് കുതിപ്പ് രേഖപ്പെടുത്തി. സെന്സെക്സ് 388 പോയിന്റും നിഫ്റ്റി101 പോയിന്റും നേട്ടത്തിലാണ് വ്യാപാരം നടക്കുന്നത്.
പ്രതിപക്ഷ ബഞ്ചുകളില് നിന്നുള്ള പ്രതിഷേധ ബഹളത്തോടെയാണ് ഇന്ന് ധനമന്ത്രി കേന്ദ്ര ബജറ്റ് അവതരണം ആരംഭിച്ചത്. ടാബ് ഉപയോഗിച്ച് പൂര്ണ്ണമായു പേപ്പര് രഹിതബജറ്റാണ് ധനമന്ത്രി അവതരിപ്പിക്കുന്നത് ഇത് ബജറ്റുകളുടെ ചരിത്രത്തില് ആദ്യമാണ്.